Kino "Syrena"

Stare kino w Zebrzydowicach. Według opisu Pani E. Szuscik w budynku najpierw mieściła się Gospoda Franciszka Siwka. W latach 30-tych XX w. otwarto tam kino, które z przerwami działało do początku lat 90-tych XX w. Obecnie na parterze jest sklep spożywczy i sklep z odzieżą. W części prawej budynku, patrząc od strony drogi w czerwcu 2020 r. zawalił się dach. Poiniżej znaleziony opis starego kina autorstwa Pani Eweliny Szuścik w cieszyńskiej gwarze: "Przi głównej ceście, po lewej trónie za "Pass Hotel" w stróne Jastrzymbio, mómy takóm odropanóm chałpe w kierej dzisio sóm dwa kszefty jedyn z dortami i inkszymi maszketami a drugi s lóntami. Kiesi w tej chałpie była zocno wiec: kino. Ja, mieli my w Zybrzidowicach cosikej, czego ni miały nawet ponikiere miasta a my mieli i to na dziedzinie! Bezmała uż w roku trzicatym w gospodzie panoczka Franciszka Siwka otworzili piyrsze kino w dziedzinie, kiere 3D nie było ale dycki było zaimawe, a w sali kaj wyświetlane były filmy od czasu do czasu aji dziecka wystympowały swóli Jasełek abo inkszych uroczystości. Telewizor mioł we chałpie mało gdo tuż był to szpas móc iś do kina. W czasach kie wojna wlazowała wszyndzi aji do Zybrzidowic, w kinie kiere było miejscym co zjednywało ludzi wyświetlali filmy kierych żodyn ni mioł chynci oglóndać... Po wojnie go zrychtowali, smianowali "Syrena" i w pindziesióntym szóstym roku uzaś tusteloki mógły oglóndać szumne filmy, dziecka bojki aji rechtory prziwiyrali oczy na to kie dziecka szły do kina na lekture obowiónzkowóm zamiast czytać ksiónżke. O tym co poleci w Zybrzidowickim kinie pisali aji w "Głosie Ziymi Cieszyńskij" przez czas jego świetności a po tym w dziewiyńdziesióntym roku szrajbli tak: Kino w Zybrzidowicach zawrzite. Od tego czasu moc wody upłynyło w Pietrówce i mocka też zmiyniło sie samo kino możne i na lepsze, bo dzisio w kinie dowajóm szumne bryle i kie sie oglóndo film człowiek sie czuje jak, by do postrzodka tego filmu wloz. Dzisio ni mómy uż kina w Zybrzidowicach, a po nim zóstała szpatno, odropano chałpa i pamiynć o jego żywobyciu, możne tymu, że kożdy mo uż we chałpie telewizor a człowiek utropióny po szychcie woli se siednyć przed telewizorym niż lotać do kina. Jo jednako móm jaksióm nadzieje, że kiesi se gdosi wszymnie jak hańdowni panoczek Siwek i odewrze w Zybrzidowicach nowe kino abo możne chocioż gdosi fundnie jakóm tabulke s informacyjóm o tym co kiesi w tej chałpie było, bo puki co o starym kinie szrajbli yny na zastawce autobusowej."